Ozeanoak babestea bizitza babestea da

Ozeanoek lurrazalaren % 70 baino gehiago estaltzen dute, klima erregulatzen dute, arnasten dugun oxigenoaren % 50-70 sortzen dute, baso tropikalek baino askoz gehiago, eta biodibertsitate harrigarria dute. Hala ere, ozeanoak mehatxupean daude: plastikoen kutsadura, azidotzea, berotze globala, gehiegizko arrantza eta kostaldeko habitaten suntsipena dira, beste batzuen artean, bizi-sistema hori hondatzen ari direnak.

Datu kezkagarria: Kalkuluen arabera, ozeanoetan 170 bilioi plastikozko partikula baino gehiago daude flotatzen. Minuturo, plastikozko zabor-kamioi baten baliokidea itsasora iristen da.

Herritar guztiok egin dezakegu zerbait itsasoak babesteko: erabilera bakarreko plastikoen kontsumoa murriztu, itsasoko produktu jasangarriak aukeratu, hondakinak estolderiara isurtzea saihestu eta hondartzen garbiketetan edo sentsibilizazio-kanpainetan parte hartu.

Ekainaren 8an, NBEk gogorarazten digu ez dagoela bizitzarik ozeano osasuntsurik gabe. Eta itsasoa zaintzea lehorrean hasten dela, gure eguneroko erabakiekin. Ozeanoa bizitza da. Jagon dezagun, errespetatu dezagun, babes dezagun. Itsasoari gertatzen zaiona guri gertatuko baitzaigu.