Beste argitalpen batean aipatu dugun bezala, zizareak ekosistemetako animalia garrantzitsuenetako bat dira. Hala ere, jendeak betidanik pentsatu izan du zizareak birsortu egiten direla eta bizirik jarraitzen dutela erditik moztu ondoren, eta bi zizare sortzen direla. Esan genezake hori egia dela baina erdizka.

Zizareek mutur batean ahoa dute eta bestean uzkia. Erditik zatitzean, ahoa duen muturra berritu egingo da egun batzuen buruan. Hala ere, uzkiaren muturrak uzkidun zati bat birsortuko du. Begiratuz gero, badirudi zizare hori bizirik dagoela, mugitu egiten baita. Hala ere, ezin du biziraun eta egun batzuk igaro ondoren hil egingo da.