Ozeanoak planetaren % 70 baino gehiago estaltzen du eta funtsezkoa da bizitza garatzeko eta mantentzeko; izan ere, hiru mila milioi pertsona ozeanoen mende daude zuzenean. Planetako biodibertsitatearen zati handi bat hartzen dute, gutxi gorabehera 200 mila espezie identifikaturekin. Funtsezko zeregina daukate, halaber, lehen mailako produkzio globalean eta bizitzarako funtsezkoak diren mantenugaien zikloetan, esaterako nitrogenoa eta fosforoa.

Ozeanoek planetako oxigenoaren % 50 ekoizten dute gutxienez, eta karbono dioxidoaren % 30 inguru xurgatzen dute, klima-aldaketaren eraginak leunduz. Hala ere, CO² isuriak eta berotegi-efektuko beste gas batzuk areagotzearen ondorioz, ozeanoak azidotzeko joera du.

CO² xurgatzeaz gain, beroa ere xurgatu dezake; horrela, klima erregulatzen du. Hala ere, planetaren tenperatura globalak gora egin duenez, ozeanoak bero-soberakinaren % 93 baino gehiago xurgatu du 70eko hamarkadatik, eta horrek esan nahi du azalera ozeanikoaren tenperatura 1,3º C igo dela.

Baina onura horiek guztiak gorabehera, ozeanoak eta itsas ekosistemak degradatzen ari dira klima-aldaketaren eta giza jardueren ondorioz (plastikoek eragindako kutsadura eta arrantzaren gehiegizko ustiapena, esaterako). Azken 150 urteetan, koraletako arrezifeen erdia desagertu da.