Urtero, milioika hegaztik zeharkatzen dituzte zeruak, itsasoak eta kontinenteak, zientzia txunditzen jarraitzen duen balentria natural batean: migrazioa. Zeharkaldi horiek mundu osoko herrialdeak eta ekosistemak lotzen dituzte baina inoiz baino mehatxu handiagoak dituzte gaur egun.

Zergatik babestu behar ditugu?
Hegazti migratzaileek ez dituzte mugak ezagutzen, eta haien biziraupena beren ibilbideetan aurkitzen dituzten habitaten osasunaren mende dago: hezeguneak, kostaldeak, basoak, nekazaritza-soroak… Horien gainbeherak argi erakusten du gure ekosistemetan zerbait ez doala ondo. Biodibertsitatearen galerak, klima-aldaketak, argi-kutsadurak eta lurzoruaren erabilera intentsiboek kolokan jartzen dute hegaztien elikatzeko, atseden hartzeko edo ugaltzeko gaitasuna.

Zer egin dezakegu toki-mailatik?
Udalak bat egiten du egun honekin, gure ingurune naturalen kontserbazioa bultzatuz, ingurumen-hezkuntza sustatuz eta biodibertsitatearekin bateragarriak diren hiri-politikak sustatuz.