Eguzkiaren Nazioarteko Eguna ospatzen da gaur, udako solstizioarekin batera.

Eguzkiak 4.500 milioi urte ditu, gutxi gorabehera. Izar horrek ahalbidetzen du gure planetan bizitza egotea. Izan ere, eguzkirik gabe, landare-espezie gehienek ezingo lukete fotosintesia egin, eta, ondorioz, kate trofiko guztia desagertuko litzateke: belarjaleek ezingo lukete landareekin elikatu, eta haragijaleek ezingo lukete belarjaleekin elikatu. Gainera, lurrazala berotzen duten eguzki-izpiei esker, planetaren tenperatura aproposa da, bertan bizitza egoteko.

Bestalde, eguzkia garrantzitsua da gure egunerokoan ere: argi naturala eta energia berriztagarria ematen dizkigu (eguzki-energia sortzen du, plaka fotovoltaikoen bitartez). Horrez gain, energia eoliko eta termikoan ere eragiten du, besteak beste.

Energia eolikoa sortzen da eguzkiak, atmosferaren alde batzuk berotuta, airean tenperatura-aldea eragiten duelako eta, ondorioz, haizea sortzen delako.