2022ko irailaren 23tik urriaren 2ra, Euskadik ASTEKLIMA Klima eta Energiaren Astearen bigarren edizioa biziko du, Eusko Jaurlaritzako Ekonomiaren Garapen, Jasangarritasun eta Ingurumen Sailak EEE eta Ihobe bere erakunde publikoen bidez bultzatutako ekimena. Ekimenaren helburua da herritarrak kontzientziatzea eta mobilizatzea ezinbestekoa den energia- eta klima-trantsizioaren aurrean.

• Zapatua, irailak 24, 9:30ean

ESPEZIE EXOTIKO INBADITZAILEEI ETA BASO SISTEMEI BURUZKO IRTEERA GIDATUA + PLOGGINA ARTXANDAN

Espezie exotiko inbaditzaileei, haien ekologiari, espezie horiek basoetako ekosistemetan duten inpaktuari eta horiek kontrolatzeko eta desagerrarazteko metodoari buruzko hitzaldia eta irteera interpretatiboa Artxanda inguruan. Eta bide batez, ibilbidean aurkitzen ditugun hondakinak jasoko ditugu (PLOGGING).

• Gutxi gorabeherako iraupena: 3 ordu
• Aurreikusitako ibilbidea egiteko baldintza fisiko ona duen ororentzat.
• Gehieneko pertsona-kopurua: 30 pertsona (18 urtetik gorakoak)
• Hasteko tokia eta ordua: 09:30ean, Funikular plazan
• Izena ematea: ingurumena@bilbao.eus
• Telefonoa: 94 420 50 39

• Domeka, irailak 25, 9:30ean

PLASTIKOEN ETA ZABORREN BILKETA NERBIOI IBAIAN (ABUSU) ETA PASEOA PIRAGUAN ITSASADARREAN

Ibaietako ekosistemei eta plastikoek ibaietan eta itsas ekosistemetan eragiten dituzte arazoei buruzko hitzaldia. Ibaira sartuko gara Abusu aldean eta hondakinak bilduko ditugu. Bildu ondoren, hondakinak sailkatu eta zein bere edukiontzian utziko ditugu. Jarduera amaitzeko, piraguaz gidatutako zeharkaldi bat egingo dugu itsasadarretik Bilboko Itsas Museoraino.

• Gutxi gorabeherako iraupena: 3 ordu
• Gehieneko pertsona-kopurua: 25 pertsona (18 urtetik gorakoak)
• Hasteko tokia eta ordua: 9: 30ean, Zamakola kaleko 70. zenbakiaren aurreko zabalgunean
• Izena ematea: ingurumena@bilbao.eus
• Telefonoa: 94 420 50 39

• Zapatua, urriak 1

ARTE ETA INGURUMEN TAILERRAK HAURRENTZAT

Haurrei zuzendutako tailerrak egingo ditugu, ingurumenaren osasunaren aldeko jarrera eta portaera jasangarrien nola garatu bultzatzeko, arteak musikaren eta plastikaren bidez eskaintzen dituen tresnen bidez. Alde batetik, adierazpide plastikoa landuko dugu, material birziklagarriekin -papera eta kartoia- norberaren eskulturak sortzeko, eta, bestetik, musika-tresnak egingo ditugu, material birziklatuen bidez, haurrak soinura eta musikara hurbiltzeko. Horrekin guztiarekin, ingurunearekin harremanak izateko ohiturez eta moduez (kontsumo-ohiturak, gutxitzea, berrerabiltzea, birziklatzea) jabetu dadila jendea eta horiek sustatu nahi dira, baita soinu-poluzioaren eta soinu-paisaiaren kalitatearen garrantziaren inguruko arazoez ere.

• Tailerren ordutegia:
4-5 urtekoen taldea: 9:30-11.
6-9 urtekoen taldea: 11:30-13:30
• Lekua: Begoñako Udaltegia
• Gehieneko pertsona-kopurua: 14 partaide taldeko
• Izena ematea: ingurumena@bilbao.eus
• Telefonoa: 94 420 50 39