Ingurumenaren Munduko Eguna 1974. urteaz geroztik ospatzen da, eta urtero gai desberdin bat izaten da ardatz.

Datu esanguratsua: Kalkuluen arabera, bost segundotik behin futbol-zelai baten tamainako baso-eremu bat desagertzen da munduan. Era berean, munduko biztanleriaren % 40 ur-eskasia nabaritzen hasia da.

2025ean, ingurumen-krisia gizadiaren erronka handienetako bat da: biodibertsitatearen galera, airearen eta uraren kutsadura, deforestazioa, klima-aldaketa… Mehatxu horiek guztiak elkarri lotuta daude, eta erantzun koordinatuak behar dituzte, maila globalean eta tokiko mailan.

Hala ere, bada itxaropenerako arrazoirik. Ekosistemak leheneratzea, trantsizio energetikoa edo ekonomia zirkularra -horren adibide batzuk dira-, ekintza txiki bakoitzak garrantzia du. Eta ekintza horietako asko gure esku daude: arduraz kontsumitzea, hondakinak murriztea, modu jasangarrian mugitzea edo ingurumenaren aldeko herritarren ekimenetan parte hartzea. 1990etik, natura-eremu babestuen kopurua ia bikoiztu egin da, eta teknologia garbien kostua -eguzki-energiarena, kasu- % 80 jaitsi da hamarkada bakar batean.

Bitxikeria: Islandiak bere elektrizitatearen ia % 100 iturri berriztagarrietatik ateratzen du, energia geotermikoari eta hidroelektrikoari esker.

Ingurumena zaintzea ez da aukera bat. Gure osasunaren, ekonomiaren eta etorkizunaren oinarria da.