Gaur, ekainak 5, Ingurumenaren Munduko Eguna ospatzen dugu, herritarrak ekosistemak zaintzearen eta ingurumena errespetatzearen garrantziaz sentsibilizatzeko. Egun hau 1972an aldarrikatu zuen Nazio Batuen Batzar Nagusiak, Stockholmeko Biltzarraren hasieran: urte hartan, ingurumena izan zen gai nagusia. Garrantzitsua da pertsonak eta komunitateak motibatzea, garapen jasangarrirako eta ingurumenaren babeserako eragile aktibo izan daitezen.

Ingurumena babesteko guztion laguntza behar da. Hori dela-eta, iradokizun hauek egiten ditugu:

• Pertsonek euren kontsumo-ohiturak hobetzea.
• Enpresek eredu ekologikoagoak garatzea.
• Gobernuek basa-eremuak babestea.
• Irakasleek ikasleak balio naturaletan heztea.
• Gazteek ahotsa planetaren etorkizunaren alde altxatzea.

Ingurumenaren eguna gaur eta egunero ospatuko dugu. Hona hemen laguntzeko moduak:

• Kontsumitzen ditugun produktuak birziklatzea eta berrerabiltzea (papera, plastikoa eta beste material batzuk).
• Edateko ura neurriz erabiltzea.
• Bizikleta erabiltzea edo oinez ibiltzea.
• Berriz kargatzeko pilak eta bateriak erabiltzea.
• Argi naturala erabiltzea.
• Erabiltzen ari ez diren aparatu elektrikoak deskonektatzea.