Munduko populazioaren% 10-40k errinitis alergikoa dauka, urtaroko polena dela eta. Polen gehiago egotea da klima-aldaketaren beste ondorioetako bat.

Azken hamarkadan, aireak garraiatutako polen gehiago dagoela frogatu da. Zantzu batzuek iradokitzen dute landareek polen gehiago eta lehenago sortzen dutela, tenperaturak altuagoak direnean. Herbehereetan eginedako azterlan batean lortutako emaitzek adierazten dute korrelazio handia dagoela tenperaturaren eta polenaren urtaroaren hasieraren artean: aurreratu egin dela eta iraupena handitu egin dela ikusi da.

Oro har, sintoma alergikoak (doministikuak, sudurreko kongestioa eta sudurreko azkura) areagotu egiten dira polen gehiago dagoenean. Beraz, herritarren arteko alergia-gertakariak areagotu egingo direla espero da.